Featured News

Blog

Shpesh kemi ndëgjuar rreth të mirave socio-ekonomike nga shtetet nordike ku edhe Suedia pothuajse në shumicën e rasteve përmendet si një shtet që sjell mundësi të ndryshme për të gjithë banorët që jetojn atje. Prej shumë gjërave të cilat nuk mund ti përmbledhim me një vend, ne kemi vendosur tju sjellim juve disa fakte interesante të cilat kanë të bëjn me Suedinë.

1. Qysh nga vitet 1800-ta karkaleci i detit (se: kräftskiva) ka qenë i njohur në Suedi. Peshkatarët në vitin 2013 kanë kapur 186 000 kg ku shumica prej tyre është ngrënë në festimin tradicional gjatë muajit Gusht.


2. Në Suedi jetojn 20 000 banorë të minoritetit Sami ku që nga viti 1993 ata kanë parlamentin e tyre dhe në vitin 2000 gjuha Sami është pranuar zyrtarisht.


3. Çdo ditë në 313 dyqanet e mobiljeve të IKEA-s në mbarë botën janë ngrënë rreth 1 836 000 qofte ku më së shumti janë ngrënë nga gjermanët pasi ata janë edhe frekuentuesit më të shpeshtë të këtij rrjeti dyqanesh.


4. Që nga viti 1901 janë dhënë 561 çmime nobel, çmimi është si trashëgimi i shpikësit të dinamitit Alfred Nobel.


5. Në Suedi 48 % e prodhimit të energjisë vjen prej burimeve të ripërtëritëshme ku gati 95% e saj vjen nga hidrocentralet.


6. Suedia ka fituar 625.5 medalje olimpike ku 475.5 vijn nga lojërat olimpike verore ndërsa 150 nga ato dimërore. Një medalje e artë është ndarë me Danimarkën.


7. Çdo muaj nga qyteti i Stockholm-it mblidhen rreth 993 000 kg meturina të ushqimit dhe ky ushqim shëndrrohet në lëndë djegëse (benzinë) duke prodhuar 115 000 m3 të cilën e shfrytëzojn autobusat dhe taksit e Stockholmit si karburant.


8. Suedia ka rreth 9.7 milion banorë ku 23% prej tyre janë nën moshën 20 vjeçare dhe 15% kanë lindur në një vend tjetër.


9. Rreth 300 000 deri 400 000 drerë enden nëpër pyjet suedeze, pavarësisht nga fakti se 100 000 prej tyre vriten gjatë gjuetisë vjetore ku marrin pjesë rreth 250 000 njerëz.


10. Prindërit suedez kanë të drejtë ti shfrytëzojn 480 ditë pushim të paguar për kujdesjen e fëmijës ku 60 ditë janë të rezervuara për baba. Në vitin 2012 për babanë janë marrë 24% nga numri i përgjithshëm.


11. Rripi i sigurisë nëpët automjete pretendohet të ketë shpëtuar 1 miljon jetë i cili është lëshuar në qarkullim në vitin 1959 nga kompania suedeze Volvo. Ky rryp i sigurisë gjendet në 1 miliardë automjete të ndryshme.


12. Në vitin 1944 në Suedi është legalizuar mardhënia e gjinisë së njëjtë. Një pjesë të kësaj e ka meritu një shoqatë për edukimin seksual e formuar në vitin 1933.


13. Në Suedi janë 95 700 liqenjë më të mëdhenjë se 100m x 100m. Kjo mbulon 9% nga sipërfaqja e përgjithëshme ku disa liqenjë kanë emra qesharak si psh “lördagsträsk” që dmth përmbytjet e të shtunës.


14. Mesatarja që një turist shpenzon për një ditë në Suedi është 800 SEK (86 €). Në vitin 2012 turistët kanë shpenzuar rreth 11 miliardë euro. Shumica e turistëve thonë se vijnë të blejnë.


15. Vetëm 1 % e mbeturinave shtepiake në Suedi përfundojn në vendet ku hedhen pleherat. 90 % e kanaçeve të aluminit riciklohen.


16. Në Suedi rreth 85 % e banorëve jetojnë në qytete ku Stockholmi si kryeqytet ka numrin më të madh ndërsa në vendin e dytë është Göteborg në perëndim dhe pastaj Malmö në jug.


17. Suedia e ka ndaluar e para rrahjen e fëmijëve në shkollë në vitin 1979 dhe nga ajo kohë e kan bërë njëjtë edhe 35 shtete tjera.


18. Puna mesatare e një suedezi në vit është 1644 orë duke e krahasuar me mesatarën nga organizata OECD në rank botëror që është 1776 orë. Në këtë list Suedia renditet e 6 në rank botëror.


19. Suedia është e gjatë 1574 km e cila çon në temperatura ekstreme. Më e ulëta është regjistruar në veri gjatë muajit Shkurt -53 gradë ndërsa më e larta në jug gjatë muajit Qershorë +38 gradë.


20. Selma Lagerlëf është një nga 7 fituesit suedez të çmimit nobel në literaturë si dhe femra e parë në botë që ka fitu çmimin në këtë lëmi. Libri i saj “Gösta Berling’s Saga” është në dispozicion në 50 gjuhë të ndryshme.

Fotografitë janë marrë nga portali www.imagebank.sweden.se

Renditja e autorëve në bazë të fotografive:
Carolina Romare/imagebank.sweden.se
Staffan Widstrand/imagebank.sweden.se
Image Bank Sweden (nobel.se)
Sara Ingman/imagebank.sweden.se
Melker Dahlstrand/imagebank.sweden.se
Fredrik Nyman/imagebank.sweden.se
Ola Ericson/imagebank.sweden.se /gjiganti.com/

Read Full Article

Një ngjarje e rëndë ka ndodhur në Londër ku një shqiptar ka dhunuar brutalisht shqiptaren B.Sulaj. Nga ekspertiza ligjore mësohet se Sulaj kishte pësuar lëndime të rënda, thyerje të kafkës, thyerje të shtyllës kurrizore, dhe lëndime të rënda në duar duke qëndroi 4 javë në spital. Sipas prokurorisë Fatmir Stefasani e ka dhunuar pasi insistonte që B.Sulaj të martohej me të.

“Ajo tha se besonte qe shqiptari ishte i fiksuar me të, i magjepsur dhe se e kishte kërcënuar më parë që nëse ajo nuk do të bëhej gruaja e tij, do ta pësonte”,- tha prokurorja Michelle Fawcett.

Para se t’a godiste me levë 49-vjeçari i kishte thënë se ajo ishte dita e fundit e saj duke e dhunuar pa mëshirë deri sa ka humbur ndjenjat.

Read Full Article

Ministri i Transportit dhe Energjisë, Damian Gjiknuri gjatë raportimit të tij në Komisionin për Ekonomi ka njoftuar deputetët se përveç aeroportit të Vlorës, ku po bëhet studimi i fizibilitetit, po kryejnë një studim për ndërtimin e një aeroporti turistik edhe në Sarandë.

Ai theksoi Saranda është qyteti më i përshtatshëm për ndërtimin e aeroportit, duke sjellë zhvillim në të gjithë zonën, transmeton shqiptari.net

“Ashtu sikurse po kryejmë një studim për mundësinë e ndërtimit të një aeroporti turistik në Sarandë, pasi mendojmë që Saranda me mundësitë turistike që ka dhe kapacitetet e hotelerisë që ka dhe e ndodhur përballë një hapi turistik siç është Korfuzi ka shumë mundësi që të justifikohet ngritja e një aeroporti që do të sjellë një zinxhirë tjetër zhvillimi në të gjithë zonën e jugut”, theksoi ai.

Read Full Article

Në përgjithësi Zvicra kishte rezultate mjaft të mira, duke kryesuar me 11 nga 15 ekonomitë më konkurruese të talenteve

Zvicra është renditur edhe një herë në vendin e parë në renditjen botërore për tërheqjen e profesionistëve të talentuar, shkruan ‘swissinfo.ch’.

Sipas një publikimi nga Shkolla e Biznesit IMD në Lozanë, raporti analizon mbi 60 vende, sipas kritereve të ndryshme të rëndësishme për punëtorët profesionalë dhe konstaton se, Zvicra del në krye të klasifikimit të përgjithshëm për herë të pestë radhazi, përcjell albinfo.ch.

Nga tri kategori, Zvicra është e para në kategoritë e “apelimit” dhe “gatishmërisë”, të cilat përcjellin faktorë të tjerë si cilësia e jetës, taksimi, siguria, arsimimi i fuqisë punëtore dhe kompetenca e menaxhimit.

Zvicra nuk ishte e mirë në koston e jetesës, derisa në kategorinë ‘investime dhe zhvillim’, Zvicra u rendit e pesta.

Në përgjithësi Zvicra kishte rezultate mjaft të mira, duke kryesuar me 11 nga 15 ekonomitë më konkurruese të talenteve. Danimarka ishte në vendin e dytë, kurse Belgjika e treta.

SHBA ishte në vendin e 16-të, derisa Britania e Madhe ka rënë në vendin e 21-të.

Read Full Article

Mijëra refugjatë kërkojnë çdo ditë shansin për një jetë më të mirë në Europë. Por ka edhe nga ata që e gjejnë fatin edhe në Shqipëri, si rasti i një familjeje siriane.

Shqipëria nuk renditet patjetër tek vendet e ëndërruara për refugjatër që vijnë nga zonat e luftës si Siria apo Iraku. Vërtet që këtë vit në pikat kufitare kanë ardhur disa qindra refugjatë, por azil në Shqipëri kanë kërkuar vetëm 164 prej tyre, sipas të dhënave të Drejtorisë për Azilin në Ministrinë e Punëve të Brendshme.

Alma Mele: Respekt për zakonet e kulturën e refugjatëve nga vendet e tjera

Një shifër që nuk është e vështirë për t’u përballuar edhe nga një vend që ka shumë halle të veta si Shqipëria. Me krenari rrëfen drejtorja e Drejtorisë për Azilin, Alma Mele se Shqipëria, megjithëse një vend i vogël ka treguar zemër të madhe për ata që kanë pasur nevojë për mbrojtje. “Ata vijnë nga kultura e fe të ndryshme, prandaj ne tregojmë shumë vëmendje për zakonet e tyre, për kulturën e tyre, që në momentin e pranimit, por edhe në kohën e pritjes.” Alma Mele thotë se, madje disa prej tyre kanë shkruar në mediat sociale për përvojën pozitive në Shqipëri, që nuk e kishin pritur. Ndoshta janë disa prej atyre që janë larguar shpejt në drejtim të veriut europian, megjithëse kanë kërkuar azil në Shqipëri.

Alma Mele (DW/A. Topi)Drejtore e Drejtorisë për Azilin në Ministrinë e Punëve të Brendshme, Alma Mele

Damask-Liban-Tiranë

Por fati ka itineraret e veta, e nganjëherë me sa duket nuk ndjek atë rrugë të çon në veriun e pasur. Mohamed Matwa nuk e kishte menduar ndonjëherë se do të vinte një ditë që të jetonte në Shqipëri. Siriani 29-vjeçar nga periferia e Damaskut ëndërronte të bëhej psikolog, por lufta shpërtheu, ai duhej të ndërpriste studimet për të filluar jetën e refugjatit. Stacioni i parë Libani. Odiseja e jetës së një refugjati do të kishte vazhduar edhe më tej, nëse në një vend të panjohur për Mohamedin, në Shqipëri nuk do të jetonte një vëlla që kishte vendosur para vitesh të bënte biznes aty. Husam Matwa jeton në Tiranë, flet rrjedhshëm gjuhën shqipe, e ka marrë edhe pasaportën shqiptare.

Albanien Flüchtlinge (DW/L. Arapi )Familja siriane punon në restorantin e hapur të vëllait të madh, Husam Matwa

Me ndihmën e vëllait të madh, Mohamedi erdhi në Shqipëri, ku jeton prej afër dy vitesh. “Jeta ime ka ndryshuar drejtimin, jo ashtu siç e kisha përfytyruar unë, por edhe tani jam i kënaqur”, thotë Mohamedi, që punon ndërkohë në restorantin e sapo hapur të vëllait në Vorë, pranë Tiranës.

“Kam edhe një atdhe tjetër, Shqipërinë”

Një kohë edhe Mohamedi mendonte të vazhdonte udhëtimin drejt Gjermanisë, tek një vëlla tjetër që kishte ardhur si refugjat. “Por kur dëgjova për vështirësitë që kishin refugjatët aty, mendova se është më mirë të rri këtu”, thotë ai. Vështirësi në Shqipëri atij i paraqet vetëm shqipja, një gjuhë e vështirë, thotë ai, por jo njerëzit. “Shqiptarët janë miqësorë, të gatshëm për të ndihmuar, si në Siri, edhe moti është gati njësoj.”

Albanien Flüchtlinge (DW/L. Arapi )Mohamed Matwa e quan Shqipërinë atdhe të dytë

Mohamedi nuk e di ende, nëse Shqipëria është stacioni i tij i fundit, por në gjë është e sigurtë. Rrugës për në veri të Europës ai nuk do t’i hyjë më. “Tani për tani do të jetoj këtu, por kur të përfundojë lufta në Siri, do të kthehem atje. Por që tani e di, se kam dy atdhe, veç Sirisë kam edhe një atdhe tjetër, Shqipërinë.”

Në Shqipëri erdhi jo vetëm Mohamedi. Edhe vëllai i mesëm, Ali Matwa, 33 vjeç jeton tani në Vorë, dhe punon si elektriçist në restorantin e vëllait. Para dy vitesh ai jetonte në Stamboll, një jetë që nuk do donte ta përsëriste. “Edhe në Shqipëri mund të jetohet mirë”, buzëqesh ai, e shton se do t’u thoshte refugjatëve sirianë në Gjermani të vinin ta vizitonin këtë vend.

Albanien Flüchtlinge (DW/L. Arapi )Husam Matwa: Shqipëria është e pasur me njerëzillëk

Shqipëria mund të jetë e varfër, por e pasur me njerëzillëk

Vëllezërit Matwa duken të kënaqur. A luan rol për familjen myslimane edhe feja  në këtë ambientim të shpejtë me Shqipërinë? Ali Matwa gjen paralele me Sirinë në këtë drejtim. “Këtu myslimanët dhe të krishterët jetojnë mirë me njëri-tjetrin, si tek ne dikur. Tani tek ne nuk është më kështu, por këtu ti nuk shihesh shtrembër se je mysliman apo një i krishterë.”

Albanien Flüchtlinge (DW/L. Arapi )Ali Matwa thotë se edhe në Shqipëri mund të jetohet mirë

Vëllai shpëtimtar i familjes, Husam Matwa e di se rasti i familjes së tij nuk është tipik. Shumë refugjatë janë të gatshëm të paguajnë para tek kontrabandistët për të shkuar në Europë. Por ne ky vend na e ktheu shpresën, thotë ai. “Shqipëria mund të jetë e varfër, jo aq e pasur sa Gjermania, por është e pasur me njerëzillëk”, thotë Husam Matwa.

DW

Read Full Article

25 mijë franga për të rritur dhe 10 mijë për fëmijë, që do të thotë 70 mijë franga për një familje katër anëtarëshe

Banorët e Albinen, një fshat i vogël zviceran pranë Leukerbad në kantonin e Valais, do të votojnë më 30 nëntor, mbi një politikë të re, e cila do të ofronte para për të huajt, që janë të gatshëm të vijnë dhe të jetojnë në fshat për të paktën një dekadë, shkruan “The Local”.

Fshati i vogël me vetëm 240 banorë, është një nga të shumtit në Zvicër, që ka përjetuar një eksod shqetësues të banorëve të përhershëm në vitet e fundit, përcjell albinfo.ch.

Pse ka shumë shtëpi pushimi në fshatin piktoresk, banorët e përhershëm, sidomos familjet e reja, po zgjedhin të largohen.

Tre familje kanë lënë fshatin vetëm në vitin e fundit, duke përfshirë tetë fëmijë, që do të thotë se shkolla e fshatit ishte e detyruar të mbyllet, ka thënë presidenti i komunës Beat Jost për “ATS”.

Si rezultat, banorët lokalë kanë kërkuar që këshilli të bëjë diçka në lidhje me këtë çështje.

Plani i tyre është që familjet ose individët nga vende tjera që vendosin të blejnë ose ndërtojnë një shtëpi në Albinen do të kualifikoheshin sipas kushteve të caktuara, për një grant me 25 mijë franga për të rritur dhe 10 mijë franga për fëmijë.

Kjo do të thoshte 70 mijë franga për një familje prej katër vetash, përcjell albinfo.ch.

Megjithatë, ka disa kushte.

Për të qenë i përshtatshëm duhet të jeni nën moshën 45-vjeç dhe duhet të bini dakord që të jetoni në fshat për të paktën 10 vjet. Prona që duhet të blihet ose të ndërtohet duhet të ketë një vlerë minimale prej 200 mijë frangash, dhe duhet të jetë një shtëpi e përhershme, jo vendbanim i dytë.

Paratë nuk duhet të kthehen nëse jetojnë atje për dhjetë vitet e ardhshme.

Fshati është mjaft i bukur, në lartësinë mbidetare prej 1300 metrave me pamje nga lugina Rhône, me ajër të pastër malor dhe një pamje të diellit.

Nuk ka shumë punë, por qytetet Visp dhe Sion janë vetëm gjysmë ore larg.

Read Full Article


Ismail Morina, i quajtur ndryshe dhe si Ballisti, aktualisht ndodhet në burg prej tre muajsh në Dubrovnik në Kroaci. Ai është duke pritur urdhrin e ekstradimit për në shtetin serb.

Teksa e ka apeluar vendimin, një lajm super i gëzueshëm ka mbërritur në jetën e tij. Ballisti është bërë baba i një djali, të cilit i ka vendosur emrin Flamur, në nder të gjestit heroik të babait, gjate ndeshjes Serbi-Shqiperi në Beograd, ku ngriti banerin me mbishkrimin Autochtonus.

Sipas familjarëve djali gëzon shëndet dhe lajmi i ka shkuar së pari Ballist Morines në qeli. Tifozi nr.1 Kombëtares kuqezi është i martuar me italianen Federika Lo Toro me profesion avokate dhe së bashku kanë dhe dy fëmijë të tjerë më të mëdhenj.

Read Full Article

Problemi i kërkimit të ryshfetit nga forcat e policisë në rrugë kundrejt dejtuesve të automjeteve, nuk është vetëm një problem shqiptar.

Një rast flagrant ka ndodhur në Itali dhe që denoncohet në emisionin “BOOM” nga një qytetar shqiptar, i cili kishte shkuar në vendin fqinj për problemet e tij.

I ndaluar nga policia lokale për shkaqe krejt banale, si gjerësi gome, apo marmite sportive, atij i janë kërkuar 400 euro në dorë që të mos i vendosej gjoba prej 800 eurosh.

I gjendur në situatë të vështirë, pasi në makinë kishte edhe bashkëshorten shtatzënë, e cila filloi të kishte probleme, djaloshi shqiptar ka nxjerrë çfarë kishte në xhep dhe ia ka dorëzuar policit italian.

Megjithatë ai është detyruar të shkojë të kërkojë para të tjera edhe nga bashkëshortja, duke i dorëzuar edhe ato, në total 90 euro ryshfet për të marrë mbrapsht dokumentat. Duke folur në kamerën e “BOOM”, djaloshi shqiptar ka treguar gjithë ngjarjen, e cila duket sikur ka dalë nga vitet e para të tranzicionit shqiptar.

Një polic i një vendi të Bashkimit Europian, i cili pa asnjë skrupull kërkon hapur fare pagesë nën dorë, madje edhe pa i gjetur asnjë shkelje, por vetëm justifikime.

Gjithashtu jo më pak e rëndësishme është edhe dëshmia e bashkëshortes së shqiptarit, e cila tregon situatën në të cilën u gjendën, pasi ajo ishte edhe shtatzanë.

Për më tepër, pamjet e transmetuar në “BOOM” flasin qartë.

Read Full Article